Otto Aanesens Båtbyggeri

Otto Aanesens Båtbyggeri var eit båtbyggeri som låg på Krabberødstrand ved Stathelle i Bamble kommune. Båtbyggeriet vart starta i 1840-åra, og vart heldt i drift fram til slutten av 1960-åra. I løpet av denne perioden produserte verksemda meir enn 2 500 båtar.

Historikk

Otto Aanesens Båtbyggeri vart starta i 1840-åra av Ole Aanesen frå Vegårshei. Sønnen, [Oluf Aanesen]], og borneborna Otto og Ole Aanesen tok over verksemda etter oppstarten, og båtbyggeriet var slik ein del av familien fram til slutten av 1960-åra.

Båtbyggeriet var kjent for sine vakre og velbygde båtar, særleg "kogger" og "lystbåtar". Materialet som vart nytta henta båtbyggarane sjølve i skogane kring Krabberødstrand. Tømmeret vart deretter frakta sjøvegen til båtbyggeriet der ein hadde sag til å lage materialar. I 1913 skaffa ein seg ei sag som blei driven av ein 50 Hk parafinmotor.

Arkiv

Delar av arkivet etter Otto Aanesens Båtbyggeri er ordna ved Telemark Museum. Sjå oppføringarkivportalen.

Kjelder

  • Gardåsen, Tor Kjetil, Kystguiden : Telemark : kulturhistorisk reisefører for Telemarkskysten, Skien : Thure forl., 2000. Lenke til digital utgåve på bokhylla.no.