Anders O. Øvregaard: Forskjell mellom sideversjoner
mIngen redigeringsforklaring |
|||
| Linje 13: | Linje 13: | ||
* [http://digitalarkivet.no/cgi-win/WebCens.exe?slag=visbase&sidenr=5&filnamn=f01427&gardpostnr=14&personpostnr=82#nedre Folketeljinga 1900 for Jostedalen] | * [http://digitalarkivet.no/cgi-win/WebCens.exe?slag=visbase&sidenr=5&filnamn=f01427&gardpostnr=14&personpostnr=82#nedre Folketeljinga 1900 for Jostedalen] | ||
* [http://digitalarkivet.arkivverket.no/ft/person/pf01036726000087/ Folkteteljinga 1910 for Jostedalen] | * [http://digitalarkivet.arkivverket.no/ft/person/pf01036726000087/ Folkteteljinga 1910 for Jostedalen] | ||
*Øyane, Lars E. (1994). ''Jostedal sokn. Gards- og ættesoge for Luster kommune.'' (Bd. 5). Gaupne: Luster kommune, s. 55 og 363. ([http://urn.nb.no/URN:NBN:no-nb_digibok_2008020701034 Digital utgåve, NBdigital]) | *Øyane, Lars E. (1994). ''Jostedal sokn. Gards- og ættesoge for Luster kommune.'' (Bd. 5). Gaupne: Luster kommune, s. 55, 349 og 363. ([http://urn.nb.no/URN:NBN:no-nb_digibok_2008020701034 Digital utgåve, NBdigital]) | ||
* Øvregard, Kåre. (1996). ''Skulen i Luster gjennom 250 år. Kulturhistoriske glimt frå skulen sitt arbeid i dei ulike krinsane.'' Gaupne: Luster kommune. | * Øvregard, Kåre. (1996). ''Skulen i Luster gjennom 250 år. Kulturhistoriske glimt frå skulen sitt arbeid i dei ulike krinsane.'' Gaupne: Luster kommune. | ||
* Fretland, Jan Olav, og Oddmund L. Hoel. (2006). Då nynorsken kom til Sogn - glimt frå Jostedalen og Lærdal. ''Årbok for Sogn'', 48-56. ([http://www.krundalen.no/blogg/?page_id=184 Digital utgåve]) | * Fretland, Jan Olav, og Oddmund L. Hoel. (2006). Då nynorsken kom til Sogn - glimt frå Jostedalen og Lærdal. ''Årbok for Sogn'', 48-56. ([http://www.krundalen.no/blogg/?page_id=184 Digital utgåve]) | ||
Sideversjonen fra 19. jan. 2012 kl. 13:11
Anders O. Øvregaard (fødd 27. mai 1854, død 15. juni 1924) var lærar i Jostedalen i Sogn og Fjordane. Han kom frå husmannsplassen Øvregarden under Jostedal prestegard og var son av Ole Knutson Øvregard (1825-1875) og Britha Christensdotter frå Halveg under Nedrelid. Han gifte seg 9. juni 1876 med Siri Andersdotter (1849-1895) frå Gardshaugen under Nedrelid.
Anders Øvregard tok lærareksamen ved Balestrand lærerskole i 1874 og byrja som lærar i Jostedalen kring 1875. Han og Siri budde truleg fyrst nokre år i Knurrøyane under Sperla. I 1882 fekk han skøyte på Aspeneset under Åsen, men måtte alt året etter gje frå seg bruket på odel. Deretter pakta han Jostedal prestegard før han kring 1893 flytte til Knippa under Myklemyr. Same året var skulehuset for Myklemyr krins bygd her, så Anders rydda seg ein plass attmed skulehuset. Her vart han den fyrste postopnaren på Myklemyr i postkontoret som opna heime hjå han 1. juli 1898. Han var postopnar til han døydde i 1924 og lærar til kring 1920.
Knippa vart utskild i 1911 som Runningen (bnr. 10) og overdrege til svigersonen Anders Øvregaard, men Anders vart buande her livet ut. Svigersonen tok òg over som postopnar.
Anders var målmann, kanskje den fyrste i Jostedalen. Han hadde temmeleg sikkert fått kjennskap til målsaka i åra på Balestrand lærerskole, men det er ingen spor etter målengasjementet hans i Jostedalen før han var med på det fyrste vedtaket om å opne for nynorske lærebøker i Jostedalen i 1901 (sjå Språkskiftet til nynorsk i Jostedalen). Han var medlem i Jostedal mållag (skipa november 1906) der me finn han som medlem i ei nemnd i april 1907 som skulle samle inn saker til ein målmarknad i Bergen.
Anders og Siri fekk eitt barn:
- Brita Oline Andersdotter Øvregaard (1877-1948), gift med gardbrukar og postopnar Otto Henrikson Myklemyr (1883-1946) på Runningen (Knippa), Myklemyr
Kjelder og litteratur
- Folketeljinga 1900 for Jostedalen
- Folkteteljinga 1910 for Jostedalen
- Øyane, Lars E. (1994). Jostedal sokn. Gards- og ættesoge for Luster kommune. (Bd. 5). Gaupne: Luster kommune, s. 55, 349 og 363. (Digital utgåve, NBdigital)
- Øvregard, Kåre. (1996). Skulen i Luster gjennom 250 år. Kulturhistoriske glimt frå skulen sitt arbeid i dei ulike krinsane. Gaupne: Luster kommune.
- Fretland, Jan Olav, og Oddmund L. Hoel. (2006). Då nynorsken kom til Sogn - glimt frå Jostedalen og Lærdal. Årbok for Sogn, 48-56. (Digital utgåve)