Lesjaskog kyrkje: Forskjell mellom sideversjoner

'''[[Lesjaskog kyrkje]]''' (før 1855 '''Lesjaverk kyrkje''') vart bygd ved [[Lesja jernverk]] i åra [[1695]] til [[1697]] av eigarane av verket. Utgiftene til bygginga vart rekna til ca 600 [[Leksikon:Riksdaler|riksdalar]], og ho var derfor å rekne som ei «bedriftskyrkje». Det er uklart når [[Lesjaskog sokn]] eigentleg vart oppretta som anneks under [[Lesja prestegjeld]]. Verkseigaren [[Pål Holst Irgens]] stod for ombygging av kyrkja i 1767.

Etter at drifta ved jernverket vart avvikla i åra kring 1800 kom spørsmålet om plasseringa av kyrkja opp, for verket låg i eine enden av det lange soknet, og hovudtyngda av folket både lenger vestover ved [[Lesjaskogvatnet]] og [[Bjorlie]]. Alt i 1826 vart det søkt om å få flytte kyrkja, men det vart avslag. I 1845 kom saka opp att, og i 1848 fekk bygdefolket ved kongeleg resolusjon løyve til å flytte ho. Flyttinga vart utført i 1855 og den gamle kyrkja vart innvigd som Lesjaskog kyrkje på grunn frå [[Øverlie]] ved [[Mølmen]] 20. september det året.</onlyinclude>

Over midtre korbog ser ein eit markand krusifiks. Under ser ein symbolet «den siste fiende» (døden), og på sidene to kvinnefigurer, truleg [https://snl.no/Maria_Magdalena Maria Magdalena] og [https://snl.no/Maria_-_Jesu_mor Maria, Jesu mor]. Under bogen står monogrammet til regjerande dansk-norske konge da kyrkja vart bygd, [[Christian V|Kristian 5]]. Det har to løver utstyrt med kvar sin [[Leksikon:Hellebard|hellebard]]. På kvar side står ein skulptur, den eine med sverd og den andre med kors. Kvar for seg representerer dei statsmakta og kyrkja. På nordsida av korskranken står tre figurar. Den midtre er litt høgare enn dei andre, har sverd og krone, og kan symbolisere ein av kongane i bibelhistoria. Også dei andre kan ha bibelhistorisk symbolikk. På søre sida av skranken, på høgd med kanten på [https://snl.no/prekestol preikestolen], står ein figur med [https://snl.no/rikseple rikseplet]. Preikestolen står høgt, noko som nok har samanheng med den strenge ortodokse kyrkjelæra på 1600-talet; ordet skulle forkynnast grundig. I framkant er dei fire [https://snl.no/evangelist evangelistane] plasserte. [https://snl.no/alter Alteret] er enkelt, men altertavla har [https://snl.no/nattverd nattverdsinnstiftinga] malt i hovudfeltet. Skulpturane på sida er truleg Moses og døyparen Johannes (med lammet). I andre høgda Jesus med sigersfane flankert av apostlane [https://snl.no/Peter_-_apostel Peter] (med nøkkel) og [https://snl.no/Paulus_-_apostel Paulus]. I toppstykket er Kristus løfta opp over «historisk grenser».

Treskruden i kyrkja er utført av [[Lucas Nielsen Gram]], også kalla «Eliasmesteren». Han dekorerte òg [[Kvernes stavkyrkje|Kvernes kyrkje]], [[Herøy kyrkje]] og [[Rovde kyrkje]].

Bilde:Lesjaskog kyrkje interiør prekestol.JPG|Oversyn frå galleriet

*Gram, H. T. 1982: ''Trønderslekten Gram : med oversikt over andre nåværende Gram slekter i Norge''. Oslo, Eget forlag, side 13ff.

*[[Ola Skotte|Skotte, Ola]] og [[Sigurd Einbu]] 1949: ''Lesja. Litt frå den kommunale soga 1838-1938 og ymse anna''

[[Kategori:kirker]]