Kyrkjene i Austevoll gjennom tidene
Hopp til navigering
Hopp til søk
Kyrkjene i Austevoll gjennom tidene.
- Sandtorv kyrkje: Mellomalderstavkyrkje første gang nemnd i 1240 då Håkon IV Håkonsson var på påskedagsmesse der. Kyrkja vart truleg riven i perioden 1653-55 då den nye kyrkja på garden Austevoll på Hundvåkøy vart vigsla. I 1995 vart det avduka ein minnestein over mellomalderkyrkja der ein meiner stavkyrkja stod.
- Austevoll kyrkje på Hundvåkøy: Kyrkja vart bygd 1653-1655, og fekk namnet Austevoll kyrkje. Kyrkja vart riven i 1891.
- Austevoll kyrkje på Huftarøy: Ny kyrkje vart bygd på Storebø i 1891, og overtok namnet Austevoll kyrkje. 400 sitjeplassar.
- Møkster stavkyrkje: Ei stavkyrkje som første gang er nemnd i jordeboka Bergens kalvskinn frå 1350-60.
- Møkster kyrkje: Ny kyrkje bygd i 1686, vart riven i 1892.
- Møkster kyrkje på Stolmen: Kyrkja vart bygd i 1892. I 2020 vart namnet endra til Stolmen kyrkje. 320 sitjeplassar.
- Møkster kapell: Kapellet stod ferdig 1983. 76 sitjeplassar.
- Bekkjarvik kapell: Kapellet vart bygd i 1898 og tilhøyrde Fitjar kommune fram til kommunesamanslåinga i 1964. 180 sitjeplassar.
- Storekalsøy kapell: Kapellet vart bygd i 1892, men brann 18. september i 1974. Nytt kapell reist i 1974 med 250 sitjeplassar.
- Hundvåkøy kapell: Byggeåret var 1990, og kapellet har 220 sitjeplassar.